വെസ്റ്റ് വാന്‍കൂവര്‍: ഹോക്കി വേള്‍ഡ് ലീഗ് രണ്ടാം റൗണ്ട് പോരാട്ടത്തില്‍ ഇന്ത്യന്‍ വനിതകള്‍ക്കു സമനില. ചിലിക്കെതിരായ പോരാട്ടത്തില്‍ ഇന്ത്യ 2-2നാണു സമനില പിടിച്ചത്. മികച്ച മുന്നേറ്റങ്ങളുമായി കളിയുടെ തുടക്കത്തില്‍ ചിലി മുന്നിലെത്തി.
18ാം മിനുട്ടില്‍ അഗസ്റ്റിന വെനെഗാസാണു അവരെ മുന്നിലെത്തിച്ചത്. എന്നാല്‍ 35ാം മിനുട്ടില്‍ അനുപമ ബര്‍ല പെനാല്‍റ്റി കോര്‍ണറില്‍ നിന്നു ഗോള്‍ നേടി ഇന്ത്യയെ ഒപ്പമെത്തിച്ചു. തൊട്ടടുത്ത മിനുട്ടില്‍ വന്ദന കട്ടാരിയയിലൂടെ ഇന്ത്യ 2-1ന്റെ ലീഡും സ്വന്തമാക്കി. എന്നാല്‍ 53ാം മിനുട്ടില്‍ ലഭിച്ച പെനാല്‍റ്റി വലയിലാക്കി വെനെഗാസ് തന്റെ രണ്ടാം ഗോളിലൂടെ ചിലിയെ ഒപ്പമെത്തിക്കുകയായിരുന്നു.