മുട്ടില്‍: കുടിവെള്ളത്തിനായി നെട്ടോട്ടമോടുന്ന വാര്യാട് മണക്കത്തിക്കുന്നുകാര്‍ക്ക് ആശ്വാസമായിരുന്ന പുഴയില്‍ സാമൂഹിക വിരുദ്ധര്‍ നഞ്ചിന്‍കുരു കലക്കി. മീന്‍ പിടിക്കാനായി നഞ്ചിന്‍കുരു കലക്കിയവരെ പിടികൂടണമെന്ന ആവശ്യവുമായി പ്രദേശവാസികള്‍ മീനങ്ങാടി പൊലിസില്‍ പരാതി നല്‍കി. പുഴയില്‍ രാവിലെ മീനുകള്‍ ചത്തുപൊങ്ങിയ നിലയില്‍ കണ്ടതിനെ തുടര്‍ന്ന് നടത്തിയ അന്വേഷണത്തിലാണ് നഞ്ചു കലക്കിയതാണെന്നു മനസ്സിലായത്. മീനങ്ങാടി പൊലിസ് കേസെടുത്ത് അന്വേഷണമാരംഭിച്ചു.