പൊന്നാനി : കൊല്ലന്‍പടിയില്‍ ബധിരയും മൂകയുമായ ദലിത്‌യുവതിയെ ലൈംഗികമായി പീഡിപ്പിച്ചതായി പരാതി. പീഡനത്തിനിരയായ അവിവാഹിതയായ യുവതി പ്രസവിച്ചതോടെയാണു വിവരം പുറത്തറിഞ്ഞത്. പീഡനത്തെ തുടര്‍ന്ന് യുവതിയുടെ അമ്മ പൊന്നാനി സി.ഐക്ക് പരാതി നല്‍കിയിരുന്നു.

പരാതിയെ തുടര്‍ന്നു മാസങ്ങള്‍ക്ക് മുന്‍പുതന്നെ ഡി.എന്‍.എ ടെസ്റ്റ് നടത്തിയെങ്കിലും ഇതിന്റെ ഫലം ഇതുവരെ പുറത്തുവന്നില്ലെന്നു വീട്ടുകാര്‍ പറയുന്നു. ബധിരയും മൂകയുമായ പെണ്‍കുട്ടിയെ ശാസ്ത്രീയരീതിയില്‍ മൊഴിയെടുത്തപ്പോള്‍ പൊലിസിന് ലഭിച്ച വിവരം ലൈംഗികമായി പീഡിപ്പിച്ചതിന് പിന്നില്‍ അയല്‍വാസിയായ ഓട്ടോ ഡ്രൈവര്‍ ആണെന്നാണ്. പീഡനകാര്യത്തില്‍ കുടുംബം പൊന്നാനി സി.ഐക്കു പരാതി നല്‍കിയിട്ടും ചില രാഷ്ട്രീയ നേതാക്കളുടെ ഇടപെടല്‍ മൂലം പൊലിസ് നടപടിയെടുക്കാന്‍വൈകുന്നതായി ആക്ഷേപമുണ്ട്. പീഡനത്തിനിരയായ യുവതി അഞ്ചുമാസം മുന്‍പാണ് പ്രസവിച്ചത് .