പൂക്കാട്ടുപടി: വര്‍ത്തമാന സാമൂഹിക അന്തരീക്ഷത്തില്‍ ഇസ്‌ലാമിക ദഅ്‌വാ പ്രവര്‍ത്തനങ്ങള്‍ക്ക് മികച്ച അനിവാര്യതയാണ് ഉള്ളതെന്നും കാലികമായി മുഴുവന്‍ സംവിധാങ്ങളും ഇസ്‌ലാമിക പ്രബോധന സേവന പ്രവര്‍ത്തനങ്ങള്‍ക്ക് ഉപയോഗിക്കേണ്ടതാണെന്നും സമസ്ത ജില്ലാ ജനറല്‍ സെക്രട്ടറി ഓണമ്പിള്ളി മുഹമ്മദ് ഫൈസി പറഞ്ഞു.
എസ്.കെ.എസ്.എസ്.എഫ് എറണാകുളം ജില്ലാ കമ്മിറ്റി തുടക്കം കുറിക്കുന്ന 'സ്‌നേഹതണല്‍'  പ്രവര്‍ത്തകനൊരു കൈത്താങ്ങ് പദ്ധതിയുടെ ഭാഗമായി സംഘടിപ്പിച്ച സ്‌നേഹ സംഗമം പൂക്കാട്ടുപടി മുകളാര്‍ റസിഡന്‍സില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സംഗമത്തില്‍ ജില്ലാ വൈസ് പ്രസിഡന്റ് ഉമര്‍ ദാരിമി അധ്യക്ഷത വഹിച്ചു. സ്‌നേഹതണല്‍ ചീഫ് കോര്‍ഡിനേറ്റര്‍ കെ.എം ജിയാദ് പദ്ധതി അവതരണം നടത്തി. എസ്.കെ.എസ്.എസ്.എഫ് ജില്ലാ മദീനപാഷന്‍ പ്രചരണോദ്ഘാടനം ബി.എച്ച് അബ്ദുള്‍ നാസര്‍ സാഹിബ് നിര്‍വഹിച്ചു.
മദീനപാഷന്‍ ലഘുലേഖയുടെ പ്രകാശനം സുപ്രഭാതം ഡെപ്യൂട്ടി സി.ഇ.ഒ ഐ.എം അബ്ദുള്‍ റഹ്മാന്‍ എം.എം.എ ജില്ലാ പ്രസിഡന്റ് ടി.എ ബഷീറിന് നല്‍കി നിര്‍വഹിച്ചു. കെ.എം ബഷീര്‍ ഫൈസി, ജഅ്ഫര്‍ ഷെരീഫ് വാഫി, മുഹമ്മദ് അനസ് ബാഖവി, നൗഫല്‍ കുട്ടമശ്ശേരി, സിയാദ് ചെമ്പറക്കി, സൈനുദ്ദീന്‍ വാഫി, ബക്കര്‍ ഹാജി പെരിങ്ങാല, കെ.കെ ഇബ്രാഹിം ഹാജി, ബാബുചാലയില്‍, സിദ്ദീഖ് കുഴിവേലിപ്പടി, സാലിം ഫൈസി പള്ളുരുത്തി, സി.എ മുനീര്‍, സിദ്ദീഖ് ചിറപ്പാട്ട് തുടങ്ങിയവര്‍ പ്രസംഗിച്ചു. ജില്ലാ ജനറല്‍ സെക്രട്ടറി ഫൈസല്‍ കങ്ങരപ്പടി സ്വാഗതവും ട്രഷറര്‍ മുഹമ്മദ് റാഫി നന്ദിയും പറഞ്ഞു.