കിളിമാനൂര്‍: പഴയകുന്നുമ്മേല്‍ ഗ്രാമപഞ്ചായത്തിലെ പതിനാറ് പട്ടികജാതി വിദ്യാര്‍ഥികള്‍ക്ക് ഇനി ലാപ്‌ടോപ്പ് സ്വന്തം. 2016-17 ജനകീയാസൂത്രണ പദ്ധതിയിലൂടെയാണുണ്  3.68 ലക്ഷം  രൂപ ചെലവിട്ട് അഭ്യസ്ത വിദ്യരായ പതിനാറ് കുട്ടികള്‍ക്ക് ലാപ്‌ടോപ്പ് വാങ്ങി നല്‍കിയത്. പദ്ധതിയുടെ ഉദ്ഘാടനം പഞ്ചായത്ത് കോണ്‍ഫറന്‍സ് ഹാളില്‍ നടന്ന  ചടങ്ങില്‍ ഗ്രാമപഞ്ചായത്ത് പ്രസിഡന്റ് എസ്. സിന്ധു നിര്‍വ്വഹിച്ചു. വൈസ് പ്രസിഡന്റ് കെ.രാജേന്ദ്രന്‍ അധ്യക്ഷനായി. ജനപ്രതിനിധികളും ഉദ്യോഗസ്ഥരും രക്ഷിതാക്കളും പങ്കെടുത്തു.