പുത്തനത്താണി: മാറാക്കര ഗ്രാമപഞ്ചായത്തില്‍ റോഡ് നിര്‍മ്മാണം- നവീകരണത്തിനും ഊന്നല്‍ നല്‍കിയുള്ള 2017-18 ബജറ്റാണ് വൈസ് പ്രസിഡന്റ് വി.പി സമീറ അവതരിപ്പിച്ചത്. ഭവന നിര്‍മ്മാണം- പുനരുദ്ധാരണം 80 ലക്ഷം, പ്രതീക്ഷാ-പരിരക്ഷ- പാലിയെറ്റീവ് 80 ലക്ഷം, അങ്കണവാടി- പോഷകാഹാരം 75 ലക്ഷം, കുടിവെള്ള ക്ഷാമം പരിഹരിക്കുന്നതിന് 60 ലക്ഷം, കിണര്‍ റീചാര്‍ജിങ് 50 ലക്ഷം, കൃഷി -മൃഗ സംരക്ഷണം 25 ലക്ഷം, വിദ്യഭ്യാസം 24 ലക്ഷം, അംഗപരിമിതര്‍- മാനസിക ശാരീരിക വെല്ലുവിളി നേരിടുന്നവര്‍ 15 ലക്ഷം,ആരോഗ്യം 11 ലക്ഷം രൂപയുമാണ് നീക്കി വെച്ചിട്ടുള്ളത്. പ്രസിഡന്റ് വി.മധുസൂദനന്‍ അധ്യക്ഷനായി.