ന്യൂഡല്‍ഹി: തമിഴ്‌നാട്ടിലെ തൂത്തുക്കുടിയിലെ സ്റ്റെര്‍ലെറ്റ് ചെമ്പ് ശുദ്ധീകരണ പ്ലാന്റിനെതിരേ സമരം നടത്തിയവര്‍ക്കു നേരെ പൊലിസ് നടത്തിയ വെടിവയ്പില്‍ 13 പേര്‍ കൊല്ലപ്പെട്ടതുമായി ബന്ധപ്പെട്ട ഹരജിയില്‍ അടിയന്തരമായി വാദംകേള്‍ക്കണമെന്ന ആവശ്യം സുപ്രിം കോടതി തള്ളി.
വെടിവയ്പിലേക്കു നയിച്ച സാഹചര്യങ്ങള്‍ സി.ബി.ഐ അന്വേഷിക്കാന്‍ നിര്‍ദേശം നല്‍കണമെന്നും കേസില്‍ തൂത്തുക്കുടി ജില്ലാ കലക്ടര്‍, ജില്ലാ പൊലിസ് മേധാവി ഉള്‍പ്പെടെയുള്ളവര്‍ക്കെതിരേ കുറ്റംചുമത്തണമെന്നും ആവശ്യപ്പെട്ട് അഭിഭാഷകനായ ജി.എം മണി സമര്‍പ്പിച്ച ഹരജിയാണ് അവധിക്കാല ബെഞ്ച് മാറ്റിയത്.