പാരിസ്: യൂറോ കപ്പിന്റെ ക്വാര്‍ട്ടറില്‍ ഐസ്‌ലന്‍ഡിനെ നേരിടാനൊരുങ്ങുന്ന ഫ്രാന്‍സിന് മുന്നറിയിപ്പുമായി വെറ്ററന്‍ താരം പാട്രിക് എവ്‌ര. ഐസ്‌ലന്‍ഡിനോട് ഇതുവരെ കളിച്ച തണുപ്പന്‍ രീതിയാണ് തുടരുന്നതെങ്കില്‍ സെമി പ്രതീക്ഷ ഫ്രാന്‍സിന് അവസാനിപ്പിക്കാമെന്നു എവ്‌ര പറഞ്ഞു.

കാണികളെ ഭയപ്പെടുത്തുന്ന രീതിയിലാണ് ഫ്രാന്‍സ് കളിക്കുന്നത്. ഇതൊരിക്കലും നല്ലതല്ല. ഇതു തുടര്‍ന്നാല്‍ പുറത്തു പോകേണ്ടി വരും. ഗോള്‍ വഴങ്ങി തിരിച്ചടിക്കുന്നതിനേക്കാള്‍ നല്ലത് ആദ്യം ഗോള്‍ നേടുന്നതാണെന്നും എവ്‌ര പറഞ്ഞു. അതേസമയം ഐസ്‌ലന്‍ഡ് മികച്ച ടീമാണെന്നും എന്നാല്‍ അവരെ ഭയപ്പെട്ട് കളിക്കില്ലെന്നും എവ്‌ര വ്യക്തമാക്കി.