ആലത്തൂര്‍: അക്ഷയ സെന്ററുകളിലെ ആധാര്‍ എടുക്കല്‍ പ്രതിസന്ധിയില്‍. ആധാര്‍ എടുക്കുന്നവരുടെ അപേക്ഷ ഉള്‍പ്പെടെയുള്ള രേഖകള്‍ വെരിഫയര്‍ പരിശോധിച്ച് ഒപ്പിട്ടശേഷം സ്‌കാന്‍ ചെയ്ത് അപ് ലോഡ് ചെയ്യണമെന്ന വ്യവസ്ഥയാണ് വിനയായിട്ടുള്ളത്. അപേക്ഷയും രേഖകളും പരിശോധിച്ച് വിവരങ്ങള്‍ അപ് ലോഡ് ചെയ്യുകയും രേഖകള്‍ വെരിഫയര്‍ ഒപ്പിട്ടു ജില്ലാ ഓഫിസിലെത്തിക്കുകയെന്നതാണ് നിലവിലെ സംവിധാനം.
വിവരങ്ങള്‍ അപ്‌ലോഡ് ചെയ്ത ശേഷം ലഭിക്കുന്ന അക്‌നോളജ്‌മെന്റില്‍ അപേക്ഷകന്‍ ഒപ്പിട്ട് വീണ്ടും സ്‌കാന്‍ ചെയ്യണമെന്നും പുതിയ വ്യവസ്ഥയില്‍ പറയുന്നു. റിട്ടയേഡ് ഗസറ്റഡ് ഉദ്യോഗസ്ഥനെയാണ് വെരിഫയര്‍ ആയി നിയോഗിച്ചിട്ടുള്ളത്. ഒരു അപേക്ഷയ്ക്ക് രണ്ടു രൂപയാണ് പ്രതിഫലം. ആദ്യകാലങ്ങളില്‍ നൂറുകണക്കിനാളുകള്‍ ആധാര്‍ എടുക്കാനെത്തിയിരുന്നു.
ആധാര്‍ നടപടികള്‍ 90 ലധികം ശതമാനം പൂര്‍ത്തിയായതോടെ സ്‌കൂളില്‍ ചേരുന്ന അഞ്ചുവയസുകാരുടെ അപേക്ഷകള്‍ മാത്രമാണ് ഇപ്പോള്‍ വരുന്നത്. ആധാര്‍ എടുക്കാന്‍ നിയോഗിച്ചിട്ടുള്ള ഓരോ അക്ഷയകേന്ദ്രങ്ങളിലും പത്തുമുതല്‍ ഇരുപത്തിയഞ്ചുവരെ പേര്‍ മാത്രമാണ് ദിവസേന എത്തുന്നത്. ഇത്രയും പേരുടെ പ്രതിഫലംകൊണ്ട് വെരിഫയര്‍ക്ക് രാവിലെ മുതല്‍ വൈകുന്നേരം അഞ്ചുവരെ അക്ഷയ സെന്ററില്‍ ഇരിക്കുകയെന്നത് പ്രായോഗികമല്ല. അതുകൊണ്ടുതന്നെ അക്ഷയകേന്ദ്രങ്ങള്‍ ആധാര്‍ എടുക്കുന്ന ചുമതലയില്‍ നിന്നും ഒഴിവാകണമെന്ന ആലോചനയിലാണ്