വടകര: ജീവകാരുണ്യ പ്രവര്‍ത്തനങ്ങളിലൂടെ സമൂഹത്തില്‍ പാര്‍ശ്വവല്‍ക്കരിക്കപ്പെടുന്നവരുടെ സാമൂഹ്യ മുന്നേറ്റം സാധ്യമാക്കണമെന്ന് പാണക്കാട് സയ്യിദ് മുനവ്വറലി ശിഹാബ് തങ്ങള്‍.
ഏറാമല പഞ്ചായത്ത് മുസ്‌ലിം ലീഗ് റമദാന്‍ റിലീഫ് കാംപയിന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കെ.കെ കുഞ്ഞമ്മദ് അധ്യക്ഷനായി. പി.പി ജാഫര്‍ ആമുഖ പ്രഭാഷണം നടത്തി. സ്‌കൂള്‍ കിറ്റ് വിതരണം ജില്ലാ ലീഗ് വൈസ് പ്രസിഡന്റ് അഹമ്മദ് പുന്നക്കല്‍ നിര്‍വഹിച്ചു. എം.സി വടകര, ഒ.കെ ഇബ്രാഹിം, ക്രസന്റ് അബ്ദുല്ല, ഒ.കെ കുഞ്ഞബ്ദുല്ല, ഒ.പി മൊയ്തു, അന്‍സീര്‍ പനോളി, എം.കെ യൂസുഫ് ഹാജി, എ.വി അബൂബക്കര്‍ മൗലവി, എം.കെ മൗലവി, ടി.പി ഗഫൂര്‍, കോമത്ത് അബൂബക്കര്‍, കെ.ഇ ഇസ്മായില്‍, കെ.പി സുബൈര്‍, ഷക്കീല ഈങ്ങോളി, ജസീല വി.കെ സംസാരിച്ചു.