മലപ്പുറം: സമസ്ത കേരള ജംഇയ്യത്തുല്‍ ഉലമ ഉപാധ്യക്ഷനായിരുന്ന  പാണക്കാട് സയ്യിദ് ഉമറലി ശിഹാബ് തങ്ങളുടെ ഒന്‍പതാമത് ഉറൂസ് മുബാറകിന്റെ ഭാഗമായി ഇന്ന് മലപ്പുറത്ത് അനുസ്മരണ സദസ് നടക്കും. ളുഹ്ര്‍ നിസ്‌കാരാനന്തരം പാണക്കാട് മഖാമില്‍ നടക്കുന്ന കൂട്ട സിയാറമത്തിന് പാണക്കാട് സയ്യിദ് സാദിഖലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍ എന്നിവര്‍ നേതൃത്വം നല്‍കും. തുടര്‍ന്നു മലപ്പുറം സുന്നി മഹലില്‍ മൗലിദ് പാരായണം, അനുസ്മരണ പ്രഭാഷണം, കൂട്ട പ്രാര്‍ഥന എന്നിവ നടക്കും. സമസ്ത, എസ്.വൈ,എസ് മണ്ഡലം പ്രവര്‍ത്തക സമിതി അംഗങ്ങള്‍ ളുഹ്ര്‍ നിസ്‌കാരത്തിന് പാണക്കാട് പള്ളിയില്‍ എത്തിച്ചേരണമെന്ന് സയ്യിദ് സാദിഖലി ശിഹാബ് തങ്ങള്‍ അറിയിച്ചു.
വൈകിട്ട് മൂന്നിനു  സമസ്ത മലപ്പുറം മണ്ഡലം കമ്മിറ്റിയുടെ പണ്ഡിത ചര്‍ച്ചയും  ലീഡേഴ്‌സ് മീറ്റും  നടക്കും.   ലീഡേഴ്‌സ് മീറ്റ് സമസ്ത ജില്ലാ ജനറല്‍ സെക്രട്ടറി പി. കുഞ്ഞാണി മുസ്‌ലിയാര്‍ ഉദ്ഘാടനം ചെയ്യും. ഹാജി കെ മമ്മദ് ഫൈസി, പുത്തനഴി മൊയ്തീന്‍ ഫൈസി, ഒ.ടി മൂസ മുസ്‌ലിയാര്‍, സയ്യിദ് നിയാസലി ശിഹാബ് തങ്ങള്‍, അബ്ദുസ്സമദ് പൂക്കോട്ടൂര്‍, ഹസന്‍ സഖാഫി പൂക്കോട്ടൂര്‍,  എം.ടി അബ്ദുല്‍ ഖാദിര്‍ ബാഖവി, ഇ.കെ ഹസന്‍ കുട്ടി മുസ്‌ലിയാര്‍, ഇ.പി അഹമ്മദ് കുട്ടി മുസ്‌ലിയാര്‍ അരിമ്പ്ര, കെ.ടി ഹുസൈന്‍ കുട്ടി മുസ്‌ലിയാര്‍ പ്രസംഗിക്കും. മണ്ഡലം സമസ്ത പ്രവര്‍ത്തക സമിതി അംഗങ്ങള്‍, എസ്.വൈ.എസ്, എസ്.എം,എഫ്, എസ്.കെ.എസ്.എസ്.എ്ഫ്, ജംഇയ്യത്തുല്‍ മുഅല്ലിമീന്‍ പഞ്ചായത്ത്, റെയ്ഞ്ച്, മേഖലാ, ഏരിയാ ഭാരവാഹികള്‍ ലീഡേഴ്‌സ് മീറ്റില്‍ സംബന്ധിക്കും.