കിനാലൂര്‍: പനങ്ങാട് പഞ്ചായത്ത് മുസ്‌ലിം ലീഗ് കമ്മിറ്റി തലയാട് സംഘടിപ്പിച്ച ലഹരിവിരുദ്ധ കാംപയിനിന് തുടക്കമായി. കാംപയിന്‍ ഒരു വര്‍ഷം നീണ്ടുനില്‍ക്കും. മുസ്‌ലിം ലീഗ് സംസ്ഥാന വൈസ് പ്രസിഡന്റ് സി. മോയിന്‍കുട്ടി  ഉദ്ഘാടനം ചെയ്തു.
പഞ്ചായത്ത് ഉപാധ്യക്ഷന്‍ എം.പി അബ്ദുറഹിമാന്‍ കുട്ടി അധ്യക്ഷനായി. സംസ്ഥാന മദ്യനിരോധന സമിതി വനിതാ വിങ് പ്രസിഡന്റ് പ്രൊഫ. ചിന്നമ്മ ടീച്ചര്‍ മുഖ്യപ്രഭാഷണം നടത്തി. മണ്ഡലം മുസ്‌ലിം ലീഗ് പ്രസിഡന്റ് നാസര്‍ എസ്റ്റേറ്റ്മുക്ക് ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. വിജയന്‍ അത്തിക്കോട്, (ജെ.ഡി.യു), ഹരിദാസന്‍ (ആര്‍.എസ്.പി), ശുക്കൂര്‍ തയ്യില്‍,  സാജിദ് കോറോത്ത്, വി.കെ.സി ഉമര്‍ മൗലവി, മുഹമ്മദ് ഷാഫി, ഇ.പി ലത്തീഫ് മാസ്റ്റര്‍, ഷംസീര്‍ ആശാരിക്കല്‍, നാസര്‍ പി.കെ പ്രസംഗിച്ചു. ഷാനവാസ് കുറുമ്പൊയില്‍ സ്വാഗതവും ഇസ്മയില്‍ കെ.കെ നന്ദിയും പറഞ്ഞു.