കോഴിക്കോട്: വാഹന ഇന്‍ഷുറന്‍സ് പ്രീമിയം കുത്തനെ വര്‍ധിപ്പിച്ചതിലും ഇന്ധനവില കുറയ്ക്കാത്തതിലും നെല്‍വയല്‍ ഡാറ്റാബാങ്ക് പുനപ്രസിദ്ധീകരിക്കാത്തതിലും പ്രതിഷേധിച്ച് കണ്‍സ്ട്രക്ഷന്‍ എക്യുപ്‌മെന്റ് ഓണേഴ്‌സ് വെല്‍ഫെയര്‍ അസോസിയേഷന്‍ 31ന് പണിമുടക്കും. ജെ.സി.ബി, ടിപ്പര്‍ ലോറി, ഹിറ്റാച്ചി, കംപ്രസര്‍, ട്രാക്ടര്‍ എന്നിവ 24 മണിക്കൂര്‍ പണിമുടക്കുമെന്ന് സംസ്ഥാന പ്രസിഡന്റ് എം.കെ പ്രഭാകരനും സെക്രട്ടറി കാടാച്ചിറ ബാബുവും വാര്‍ത്താസമ്മേളനത്തില്‍ അറിയിച്ചു.