പൂനൂര്‍: ഖത്തര്‍ കെ.എം.സി.സി കോഴിക്കോട് ജില്ലാ കമ്മിറ്റിയും തലയാട് ശാഖാ മുസ്‌ലിം ലീഗ് കമ്മിറ്റിയും സംയുക്തമായി സംഘടിപ്പിച്ച സ്‌നേഹ വീടിന് തറക്കല്ലിടല്‍ കര്‍മവും ചികിത്സാ ധനസഹായ വിതരണവും യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ നിര്‍വഹിച്ചു. കെ.പി കോയഹാജി അധ്യക്ഷനായി. യൂത്ത് ലീഗ്  വൈസ് പ്രസിഡന്റ് നജീബ് കാന്തപുരം മുഖ്യ പ്രഭാഷണം നടത്തി. കെ.എം.സി.സി നേതാക്കളായ അജ്മല്‍ തെങ്ങലക്കണ്ടി,അസീസ് അത്തോളി മുസ്ലിം ലീഗ് മണ്ഡലം ഭാരവാഹികളായ നാസര്‍ എസ്റ്റേറ്റ് മുക്ക്, ശുക്കൂര്‍ തയ്യില്‍, സാജിദ് കോറോത്ത് വി.കെ.സി ഉമര്‍ മൗലവി, ഷാനവാസ് കുറുമ്പൊയില്‍ എം.പി അബ്ദുറഹിമാന്‍ കക്കാട്ടുമ്മല്‍ മൂസ, കെ.കെ ഇസ്മയില്‍ സാലിഹ് തലയാട് സംസാരിച്ചു. നൗഫല്‍ തലയാട് സ്വാഗതവും മഹ്‌റൂഫ് നന്ദിയും പറഞ്ഞു.