ന്യൂഡല്‍ഹി: സജി ചെറിയാന്റെ വിജയം സംസ്ഥാനത്തെ ഭരണനേട്ടങ്ങളുടെ വിലയിരുത്തലാണെന്ന് സി.പി.എം ജനറല്‍ സെക്രട്ടറി സീതാറാം യെച്ചൂരി. സംസ്ഥാന സര്‍ക്കാരിന്റെ മികച്ച പ്രവര്‍ത്തനങ്ങള്‍ ജനങ്ങളിലെത്തിയെന്നതിന്റെ തെളിവാണ് ഇതെന്നും അദ്ദേഹം പറഞ്ഞു. തെരഞ്ഞെടുപ്പില്‍ ന്യൂനപക്ഷ പ്രീണനം ഉണ്ടായിയെന്ന ആരോപണങ്ങളോട് ജനങ്ങളല്ലെ വോട്ട് ചെയ്തത് എന്നായിരുന്നു യെച്ചൂരിയുടെ മറുപടി.
ലോക്‌സഭാ ഉപതെരഞ്ഞെടുപ്പുകളിലെ ഫലങ്ങള്‍ ബി.ജെ.പിയുടെ അടിത്തറ ഇളകിയതിന്റെ തെളിവാണെന്നും യെച്ചൂരി പറഞ്ഞു.