ആലപ്പുഴ: മോട്ടോര്‍ വാഹന വകുപ്പും നാറ്റ്പാക്കും സംയുക്തമായി ജില്ലയിലെ ഡ്രൈവിങ് സ്‌കൂള്‍ ഇന്‍സ്ട്രക്ടര്‍മാര്‍ക്കായി ഏകദിന ശില്‍പശാല സംഘടിപ്പിക്കുന്നു. ഇന്ന് രാവിലെ ഒമ്പതു മുതല്‍ വൈകുന്നേരം അഞ്ചു വരെ ആലപ്പുഴ കോണ്‍വെന്റ് ജങ്ഷനിലുള്ള കര്‍മസദന്‍ ഓഡിറ്റോറിയത്തിലാണ് ശില്‍പശാല. ജില്ലാ പൊലിസ് മേധാവി വി.എം മുഹമ്മദ് റഫീഖ് ഉദ്ഘാടനം ചെയ്യും. നാറ്റ്പാക്ക് ഡയറക്ടര്‍ ഡോ. ബി.ജി ശ്രീദേവി അധ്യക്ഷത വഹിക്കുന്ന യോഗത്തില്‍ ആര്‍.ടി.ഒ എബി ജോണ്‍ മുഖ്യപ്രഭാഷണം നടത്തും. നാറ്റ്പാക്ക,് മോട്ടോര്‍ വാഹന വകുപ്പ് ഉദ്യോഗസ്ഥര്‍ വിവിധ വിഷയങ്ങളില്‍ ക്ലാസുകള്‍ നയിക്കും.