കൊച്ചി: അബ്ദുന്നാസിര്‍ മഅ്ദനിക്ക് രോഗിയായ മാതാവിനെ കാണാന്‍ കേരളത്തിലെത്താനുളള താല്‍ക്കാലിക ആശ്വാസ വിധി നീതിന്യായ വ്യവസ്ഥയില്‍ പ്രതീക്ഷ നല്‍കുന്നതാണെന്ന് പി.ഡി.പി സംസ്ഥാന ജനറല്‍ സെക്രട്ടറി ടി.എ മുജീബ്‌റഹ്മാന്‍ പറഞ്ഞു.
പി.ഡി.പി ജില്ലയില്‍ മൂന്ന് കേന്ദ്രങ്ങളില്‍ സംഘടിപ്പിച്ച അഭിവാദ്യ പ്രകടനത്തില്‍ എറണാകുളത്ത് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. എറണാകുളത്ത് കൂടാതെ ആലുവയിലും, പെരുമ്പാവൂരിലും പ്രകടനം നടന്നു.
എറണാകുളത്ത് കോര്‍പ്പറേഷന്‍ ഓഫീസിന് മുന്നില്‍ നിന്നാരംഭിച്ച പ്രകടനത്തിന് ജില്ല വൈസ്പ്രസിഡന്റ് അബു കൊച്ചി, പി.സി.എഫ് ജില്ല വൈസ്പ്രസിഡന്റ് ഷെജീര്‍ വാഴക്കാല ,നജീബ് വെണ്ണല,പി.എ.അഷറഫ് ,ത്വാഹ ,മെഹബൂബ് ,സലാം കൊച്ചി, നിസാര്‍ കാഞ്ഞിരമറ്റം,സിയാദ്,ഷറഫുദ്ദീന്‍ നെട്ടൂര്‍ ,അസ്ലം,മുജീബ് പുന്നിലത്ത്,മുഹമ്മദ് സുനീര്‍ തുടങ്ങിയവര്‍ നേതൃത്വം നല്‍കി.