റിയാദ്: കോവിഡ് 19 വൈറസ് വ്യാപനം വർധിച്ചതോടെ സഊദിയിലെ മുഴുവൻ പൗരന്മാരെയും സ്വദേശങ്ങളിലേക്ക് തിരിച്ചെത്തിക്കാൻ അമേരിക്ക ശ്രമം ആരംഭിച്ചു. റിയാദിലെ അമേരിക്കൻ എംബസിയാണ് ഇക്കാര്യം അറിയിച്ചത്. ഇതിനായി സഊദി അധികൃതരുമായി ബന്ധപ്പെട്ട് വരികയാണ്. വാണിജ്യ വിമാനങ്ങളിലായിരിക്കും ഇവരെ സഊദിയിൽ നിന്നും അമേരിക്കയിലേക്ക് കൊണ്ട് പോകുക. നിലവിൽ സഊദിയിൽ നിന്നും ഒരു രാജ്യത്തേക്കും യാത്രാ വിമാനങ്ങൾ സർവീസ് നടത്തുന്നില്ല. അതിനാൽ തന്നെ അമേരിക്കയിലേക്ക് വിമാനങ്ങൾ എവിടെ നിന്ന് പുറപ്പെടുമെന്നത് സംബന്ധിച്ചുണ് അന്തിമ തീരുമാനം പ്രഖ്യാപിച്ചിട്ടില്ല.
     ഇപ്പോൾ വിമാനങ്ങൾ പുറപ്പെടുന്നതോ എത്തിച്ചേരുന്നതിനെ സ്ഥലങ്ങൾ തീരുമാനിച്ചിട്ടില്ലെന്നും ഉടൻ തന്നെ വിമാനങ്ങൾ ഷെഡ്യൂൾ ചെയ്യാൻ സാധ്യതയുണ്ടെന്നും എംബസി പ്രസ്‌താവനയിൽ അറിയിച്ചു.