ജിദ്ദ: ജി.സി.സിയിലെ സമ്പന്നരായ ഇന്ത്യക്കാരുടെ ലിസ്റ്റില്‍ 11 മലയാളികള്‍. ഇതില്‍ ലുലു ഗ്രൂപ്പ് മാനേജിങ് ഡയറക്ടര്‍ യൂസഫ് അലി ആണ് ഏറ്റവും മുമ്പില്‍. ആറാമത് അറേബ്യന്‍ ബിസിനസ് ഇന്ത്യന്‍ റിച്ച് ലിസ്റ്റ് പ്രകാരമാണിത്.

ആര്‍.പി ഗ്രൂപ്പ് ചെയര്‍മാന്‍ ഡോ. രവി പിള്ള, ലാല്‍ ഫിനാന്‍സ് ഗ്രൂപ്പ് മാനേജിങ് ഡയറക്ടര്‍ അദീബ് അഹമ്മദ്, ജെംസ് എജ്യൂക്കേഷന്‍ സ്ഥാപകനും ചെയര്‍മാനുമായ സണ്ണി വര്‍ക്കി, ശോഭ ഗ്രൂപ്പ് ചെയര്‍മാന്‍ പി.എന്‍.സി മേനോന്‍, ആസ്റ്റര്‍ ഹെല്‍ത്ത് കെയര്‍ ചെയര്‍മാന്‍ ഡോ.ആസാദ് മൂപ്പന്‍, കെ.ഇ.എഫ് ഹോള്‍ഡിങ്‌സ് ചെയര്‍മാന്‍ ഫൈസല്‍ കൊട്ടികൊളോന്‍, വി.പി.എസ് ഹെല്‍ത്ത് കെയര്‍ മാനേജിങ് ഡയറക്ടര്‍ ഡോ. ഷംസീര്‍ വി.പി, കെ.എം.ട്രേഡിങ്ങ് ചെയര്‍മാന്‍ മുഹമ്മദ് കോറോത്ത്, ജോയ് ആലുക്കാസ് ചെയര്‍മാന്‍ ജോയ് ആലുക്കാസ്, എസ്.എഫ്.സി ഗ്രൂപ്പ് ചെയര്‍മാന്‍ കെ.മുരളീധരന്‍ തുടങ്ങിയവരാണ് ലിസ്റ്റിലുള്ള മറ്റു മലയാളികള്‍.
വ്യക്തികളുടെ വസ്തുവകകള്‍, ഷെയര്‍ ഹോള്‍ഡിങ്‌സ്, സ്റ്റോക്ക് മാര്‍ക്കറ്റിലെ കമ്പനി വാല്യൂ എന്നിവയുടെ അടിസ്ഥാനത്തിലാണ് ഓരോ വര്‍ഷവും ഈ ലിസ്റ്റ് തയ്യാറാക്കുന്നത്.