കാസര്‍കോട്: 'ആസക്തിക്കെതിരേ ആത്മസമരം' എന്ന പ്രമേയത്തില്‍ എസ്.കെ.എസ്.എസ്.എഫ് ജില്ലാ കമ്മിറ്റി സംഘടിപ്പിക്കുന്ന റമദാന്‍ പ്രഭാഷണം ഇന്നു തുടങ്ങും. പുതിയ ബസ് സ്റ്റാന്‍ഡ് സ്പീഡ് വേ ഗ്രൗണ്ട് ഖത്തര്‍ ഇബ്രാഹിം ഹാജി നഗറിലാണ് പ്രഭാഷണം നടക്കുക.
ഇന്നു രാവിലെ ഒന്‍പതിനു സ്വാഗത സംഘം ചെയര്‍മാന്‍ ബേര്‍ക്ക അബ്ദുല്ല ഹാജി പതാക ഉയര്‍ത്തും. സയ്യിദ് കെ.എസ് അലി തങ്ങള്‍ കുമ്പോല്‍ ഉദ്ഘാടനം ചെയ്യും. ജില്ലാ പ്രസിഡന്റ് താജുദ്ധീന്‍ ദാരിമി അധ്യക്ഷനാകും.
നാലുവരെ നടക്കുന്ന പരിപാടിയില്‍ അന്‍വര്‍ മുഹ്‌യുദ്ധീന്‍ ഹുദവി പ്രഭാഷണം നടത്തും. അഞ്ചിന് ഖത്തര്‍ ഇബ്രാഹിം ഹാജി അനുസ്മരണം നടക്കും.
സമസ്ത കേന്ദ്ര മുശാവറ അംഗവും സമസ്ത ജില്ലാ പ്രസിഡന്റും മായ ഖാളി ത്വാഖ അഹ്മദ് മൗലവി ഖാസിയാറകം ഉദ്ഘാടനം ചെയ്യും. തുടര്‍ന്ന് കുട്ടു പ്രാര്‍ഥനക്ക് സൂഫിവര്യന്‍ ചെറുമോത്ത് ഉസ്താദ് നേതൃത്വം നല്‍കും.
കാംപയിന്റെ ഭാഗമായി വിവിധ പരിപാടികളാണ് 11 മേഖലകളിലും 35 ക്ലസ്റ്ററുകളിലും 300 ശാഖകളിലുമായി സംഘടിപ്പിക്കുന്നത്.