എസ്.കെ.ജെ.എം ഈസ്റ്റ് ജില്ലാ സമ്മേളനത്തിന്റെ ഭാഗമായാണ് പദ്ധതി
മലപ്പുറം: സമസ്ത കേരളാ ജംഇയ്യത്തുല്‍ മുഅല്ലിമീന്‍ മലപ്പുറം ഈസ്റ്റ് ജില്ലാ കമ്മിറ്റി ജില്ലയിലെ എട്ടു മദ്‌റസാധ്യാപകര്‍ക്ക് വീട് നിര്‍മിച്ചുനല്‍കും. ഡിസംബര്‍ 22, 23, 24 തിയതികളില്‍ പെരിന്തല്‍മണ്ണയില്‍ നടക്കുന്ന എസ്.കെ.ജെ.എം ഈസ്റ്റ് ജില്ലാ സമ്മേളനത്തിന്റെ ഭാഗമായാണ് പദ്ധതി.
മുഅല്ലിം മന്‍സില്‍ എന്ന പേരില്‍ ഈസ്റ്റ് ജില്ലയിലെ എട്ടു മേഖലയില്‍നിന്നു തെരഞ്ഞെടുക്കപ്പെട്ട ഓരോ മുഅല്ലിം കുടുംബത്തിനാണ് വീട് നിര്‍മിക്കുക.
പ്രഥമ വീടിന്റെ നിര്‍മാണ പ്രവൃത്തിയുടെ ഉദ്ഘാടനം മെയ് ആദ്യവാരം നടക്കും.