വെസ്റ്റ് ബാങ്ക്: ഇസ്‌റാഈല്‍ സൈന്യം നടത്തിയ വെടിവയ്പില്‍ ഫലസ്തീനി യുവാവ് കൊല്ലപ്പെട്ടു.
അധിനിവിഷ്ട വെസ്റ്റ് ബാങ്കിലെ ഹെബ്രോണിലെ റെമി സബ്രീന്‍ (36) എന്നയാളാണ് മരിച്ചതെന്ന് ഫലസ്തീന്‍ വാര്‍ത്താ ഏജന്‍സിയായ വഫ റിപ്പോര്‍ട്ട് ചെയ്തു. നിര്‍മാണ തൊഴിലാളിയായ ഇദ്ദേഹത്തെ വാഹനത്തില്‍ പോവുന്നതിനിടെയാണ് വെടിവച്ചത്.
സൈന്യം വാഹനം നിര്‍ത്താന്‍ ആവശ്യപ്പെട്ടെങ്കിലും ഇത് റെമി സബ്രീന്‍ കേട്ടിരുന്നില്ലെന്ന് ദൃക്‌സാക്ഷികള്‍ പറഞ്ഞു. നിര്‍മാണ പ്രദേശത്തേക്ക് സഞ്ചരിക്കുകയായിരുന്നു അദ്ദേഹം.
സൈന്യത്തിന് ഒരു ഭീഷണിയും അദ്ദേഹം ഉയര്‍ത്തിയിരുന്നില്ലെന്ന് അവര്‍ വഫയോട് പറഞ്ഞു. എന്നാല്‍ വാഹനവുമായി കടന്നുകളയാന്‍ ശ്രമിച്ചതിനാലാണ് വെടിവച്ചതെന്നാണ് സൈന്യത്തിന്റെ വാദം.