ചെന്ത്രാപ്പിന്നി: കഴിമ്പ്രത്ത് ബൈക്കും സ്‌കൂട്ടറും കൂട്ടിയിടിച്ച് മൂന്ന് യുവാക്കള്‍ക്ക് പരുക്കേറ്റു. ബൈക്ക് യാത്രികരും വലപ്പാട് സ്വദേശികളുമായ കച്ചിക്കോടത്ത് നിഖില്‍, സുഹൃത്ത് കിഴക്കേപ്പാട്ട് വിപിന്‍, സ്‌കൂട്ടര്‍ യാത്രികനായ ചെന്ത്രാപ്പിന്നി സ്വദേശി പൊയ്യാറ സജീഷ് എന്നിവര്‍ക്കാണ് പരുക്കേറ്റത്. കഴിഞ്ഞ ദിവസം രാത്രി ഒമ്പതരയോടെയായിരുന്നു അപകടം. ബൈക്ക് യാത്രികരായ നിഖിലിനെയും, വിപിനെയും ചെന്ത്രാപ്പിന്നി ആക്ട്‌സ് പ്രവര്‍ത്തകര്‍ ഇരിങ്ങാലക്കുട കോഓപ്പറേറ്റീവ് ആശുപത്രിയില്‍ പ്രവേശിപ്പിച്ചു. തലയ്ക്ക് സാരമായി പരുക്കേറ്റ വിപിനെ പിന്നീട് തൃശൂരിലെ സ്വകാര്യ ആശുപത്രിയിലേക്ക് മാറ്റി. സ്‌കൂട്ടര്‍ യാത്രികനായ സജീഷിനെ പുന്നയ്ക്ക ബസാര്‍ ആക്ട്‌സ് പ്രവര്‍ത്തകര്‍ തൃശ്ശൂര്‍ വെസ്റ്റ് ഫോര്‍്ട്ട് ഹൈടെക് ആശുപത്രിയില്‍ പ്രവേശിപ്പിച്ചു.