ഡെറാഡൂണ്‍: മേഘവിസ്‌ഫോടനത്തെ തുടര്‍ന്നുണ്ടായ ഉരുള്‍പൊട്ടലിലും പ്രളയത്തിലും 30 പേര്‍ മരിക്കാനിടയായ ഉത്തരാഖണ്ഡില്‍ മഴ രക്ഷാപ്രവര്‍ത്തനത്തിന് തടസമാകുന്നു. സംസ്ഥാനത്തെ സിംഘാലി, പത്താക്കോട്ട്, ഓഗ്്‌ല, താല്‍ എന്നീ ജില്ലകള്‍ പൂര്‍ണമായും തകര്‍ന്നതായി ദുരന്തനിവാരണ വിഭാഗം ഉദ്യോഗസ്ഥന്‍ ആര്‍.എസ് റെന പറഞ്ഞു.

രക്ഷാപ്രവര്‍ത്തനത്തിന് സംസ്ഥാന സര്‍ക്കാറിനെ സഹായിക്കുന്നതിനായി എന്‍.ഡി.ആര്‍.എഫ് സംഘവും സ്ഥലത്തെത്തിയിട്ടുണ്ട്. ഇതിനുപുറമെ സൈന്യം, ഇന്‍ഡോ ടിബറ്റന്‍ ബോര്‍ഡര്‍ പൊലിസ് എന്നിവരും രക്ഷാപ്രവര്‍ത്തനം നടത്തുന്നുണ്ട്. തകര്‍ന്ന റോഡുകള്‍ പുനര്‍നിര്‍മിക്കാന്‍ ബോര്‍ഡര്‍ റോഡ്‌സ് ഓര്‍ഗനൈസേഷന്‍ പ്രവര്‍ത്തനം തുടങ്ങിയിട്ടുണ്ട്.