മാന്നാര്‍: കാര്‍ഷികമേഖല, ഹരിതകേരളം, ഭവനപദ്ധതി, ആരോഗ്യം, വിദ്യാഭ്യാസം തുടങ്ങിയ പദ്ധതികള്‍ക്ക് മുന്‍ തൂക്കം നല്‍കി മാന്നാര്‍ പഞ്ചായത്ത് ബജറ്റ് അംഗീകരിച്ചു. മാന്നാര്‍ വികസന സ്റ്റാന്റിംഗ് കമ്മിറ്റി ചെയര്‍മാന്‍ തോമസ് കയ്യത്ര അദ്ധ്യക്ഷതവഹിച്ച ചടങ്ങില്‍ പ്രസിഡന്റ് പ്രമോദ് കണ്ണാടിശേരില്‍ ബജറ്റ് അവതരിപ്പിച്ചു. 14,45,18000 രൂപാ വരവും 14,24,75316 രൂപാ ചിലവും വരുന്നതാണ് ബജറ്റ്.
മാന്നാര്‍ പന്നായി കടവിലെ ബോട്ട് ജട്ടി നവീകരിച്ച് മിനി പാര്‍ക്ക് നിര്‍മ്മിക്കുന്നതിന് ഒരു കോടി രൂപാ പദ്ധതിയുടെ ഭാഗമായി പഞ്ചായത്ത് വക സ്ഥലം തിട്ടപ്പെടുത്തി മതില്‍ കെട്ടി സംരക്ഷിക്കും ഒരു വര്‍ഷം കൊണ്ട് പദ്ധതി പൂര്‍ത്തിയാക്കും. വൈസ് പ്രസിഡന്റ് ,ഷൈന നവാസ്, മെമ്പര്‍മാരായ കലാധരന്‍ കൈലാസം, ചിത്ര എം. നായര്‍, അജീഷ് കോടാകേരി, ജ്യോതി വേലൂര്‍മഠം, ഉഷാ ഗോപാലക്യഷ്ണന്‍, പ്രകാശ് എം.പി, രതി. ആര്‍ പങ്കെടുത്തു.