കോട്ടയം: വീട്ടില്‍ റെയ്ഡ് നടത്തി ജലാറ്റിന്‍ സ്റ്റിക്കുകള്‍ പിടിച്ചെടുത്തു.
മുണ്ടക്കയം കോരുത്തോട് പൊങ്ങംപാറയില്‍ പി.കെ നന്ദനന്റെ വീട്ടില്‍ നിന്നാണ് 400 ഡിറ്റനേറ്ററുകള്‍, 53 ജലാറ്റിന്‍ സ്റ്റിക്കുകള്‍, 225 ഇലക്ട്രിക് ഡിറ്റനേറ്ററുകള്‍, 430 മീറ്റര്‍ സേഫ്റ്റി ഫ്യൂസ് എന്നിവ പൊലിസ് പിടിച്ചെടുത്തത്.
ജില്ലാ പൊലിസ് മേധാവി എന്‍. രാമചന്ദ്രനു ലഭിച്ച രഹസ്യവിവരത്തിന്റെ അടിസ്ഥാനത്തില്‍ കോട്ടയം സ്‌പെഷല്‍ ബ്രാഞ്ച് ഡിവൈ.എസ്.പി കെ.എം സജീവിന്റെ നേതൃത്വത്തില്‍ മുണ്ടക്കയം എസ്.ഐയും ചേര്‍ന്നായിരുന്നു പരിശോധന നടത്തിയത്.