പാനൂര്‍: വീട്ടുകിണറിന്റെ ആള്‍മറ നിര്‍മാണം നടന്നുകൊണ്ടിരിക്കെ മണ്ണിടിഞ്ഞു വീണ് രണ്ടുപേര്‍ക്കു പരുക്കേറ്റു. പുന്നോല്‍ പാറാല്‍ സജീവന്‍(50), ഉമ്മത്തൂര്‍ പൂവന്റിടത്തില്‍ കുഞ്ഞേക്കന്‍(65) എന്നിവരാണ് മണ്ണിനൊപ്പം 40 അടിയോളം താഴ്ചയുള്ള കിണറ്റിലകപ്പെട്ടത്. പാനൂര്‍ അഗ്‌നിരക്ഷാ സേന എത്തിയാണ് അപകടത്തില്‍പ്പെട്ടവരെ പുറത്തെടുത്തത്. രണ്ടുപേര്‍ക്കും നിസാര പരുക്കേറ്റു. ഭാഗ്യംകൊണ്ടാണ് വന്‍ ദുരന്തം ഒഴിവായത്. അസി. സ്റ്റേഷന്‍ ഓഫിസര്‍ എന്‍.പി ശ്രീധരന്‍, ലീഡിങ് ഫയര്‍മാന്‍ ഒ.കെ രജീഷ്, ഫയര്‍മാന്‍മാരായ കെ.പി ഷെമീന്‍, വി.കെ ആദര്‍ശ്, കെ.ബി സുകേഷ്, കെ. റനീഷ്, ടി. രഞ്ജിത്ത്, കെ. അജേഷ്, എ.കെ മോഹനന്‍ എന്നിവര്‍ രക്ഷാപ്രവര്‍ത്തനത്തില്‍ പങ്കെടുത്തു.