നിലമ്പൂര്‍:കരുളായി യതീംഖാനയുടെ മൂന്നുദിവസം നീണ്ടു നില്‍ക്കുന്ന വാര്‍ഷിക സമ്മേളനത്തിന് ഇന്ന് തുക്കമാകുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. ഇന്ന് വൈകിട്ട് 4.30ന് കരുളായി ജുമാ മസ്ജിദില്‍ സിയാറത്തോടെ പരിപാടിക്ക് തുടക്കമാകും.
ശിഹാബുദ്ദീന്‍ റഹ്മാനി നേതൃത്വം നല്‍കും. ആറിന് പയ്യുണ്ണി ചെറിയാപ്പുഹാജി പതാക ഉയര്‍ത്തും. വൈകിട്ട് ഏഴിന് പിലാക്കോട്ടുപാടം കാംപസില്‍ നടക്കുന്ന ഉദ്ഘാടന സമ്മേളനം പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. പി.വി അബ്ദുല്‍ വഹാബ് എം.പി, അബൂഷമ്മാസ് മൗലവി ഈരാറ്റുപെട്ട പങ്കെടുക്കും. സമസ്ത മുഅല്ലിം ദഅ്‌വാ കോഴ്‌സ് പ്രഖ്യാപനം പുത്തനഴി മൊയ്തീന്‍ ഫൈസി നിര്‍വഹിക്കും.
നാളെ വൈകിട്ട് ഏഴിന് നടക്കുന്ന പ്രാസ്ഥാനിക സമ്മേളനം ഇസ്ഹാഖ് ഫൈസി ചാമപ്പറമ്പ് ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡന്റ് പി.ഖാലിദ് മാസ്റ്റര്‍, വി.അസൈനാര്‍, ജലീല്‍ റഹ്മാനി വാണിയന്നൂര്‍ പങ്കെടുക്കും. തിങ്കളാഴ്ച വൈകിട്ട് ഏഴിന് നടക്കുന്ന സമാപന സമ്മേളനം സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍, പി.വി അന്‍വര്‍ എം.എല്‍.എ, സയ്യിദ് അബ്ദുല്‍ നാസര്‍ ഹയ്യ് ശിഹാബ് തങ്ങള്‍ എന്നിവര്‍ പ്രസംഗിക്കും.
1985ല്‍ പിലാക്കലില്‍ ഹയാത്തുല്‍ ഇസ്‌ലാം സംഘം എന്ന പേരില്‍ പ്രവര്‍ത്തനം തുടങ്ങുകയും, പിന്നീട് കരുളായി യതീംഖാനയായി മാറുകയും ചെയ്ത സ്ഥാപനത്തിന് കിഴില്‍ സംസ്ഥാന സിലബസില്‍ പ്രവര്‍ത്തിക്കുന്ന ഇംഗ്ലീഷ് സ്‌കൂളും, മദ്‌റസയും, ജീവകാരുണ്യ പ്രവര്‍ത്തനങ്ങളും അന്‍പതോളം അഗതി-അനാഥക്കുട്ടികള്‍ പഠിക്കുന്ന ഹോസ്റ്റലും പ്രവര്‍ത്തിക്കുന്നുണ്ട്.
വാര്‍ത്താസമ്മേളനത്തില്‍ സ്ഥാപനത്തിന്റെ ജനറല്‍ സെക്രട്ടറി ചെമ്മല നാണിഹാജി, ഭാരവാഹികളായ കക്കോടന്‍ അബ്ദുല്‍ നാസര്‍, കണ്ണന്‍കുളവന്‍ ബാപ്പുട്ടി, കെ.ടി അബ്ബാസ് അഷ്‌റഫി തുടങ്ങിയവര്‍ പങ്കെടുത്തു.