നെടുങ്കണ്ടം: ബോഡിമെട്ട് ചെക്ക്‌പോസ്റ്റിലെ വിവിധ പരിശോധനകളിലായി 165 ഗ്രാം കഞ്ചാവുമായി നാലുപേരെ ഉടുമ്പന്‍ചോല എക്‌സൈസ് സര്‍ക്കിള്‍ ഓഫിസ് പിടികൂടി. സര്‍ക്കിള്‍ ഇന്‍സ്‌പെക്ടര്‍ പ്രകാശിന്റെ നേതൃത്വത്തിലാണ് കഞ്ചാവ് പിടികൂടിയത്. ബൈക്കിന്റെ സീറ്റിനടിയില്‍ കഞ്ചാവ് കടത്താന്‍ ശ്രമിച്ച കേസില്‍ 100 ഗ്രാം കഞ്ചാവുമായി കുമളി ചെങ്കര സ്വദേശി മേട്ടുലയം എച്ച്.എം.എല്‍ എസ്‌റ്റേറ്റില്‍ പ്രവീണ്‍കുമാര്‍(19), ട്രിപ്പ് ജീപ്പില്‍ എത്തിയ സുര്യനെല്ലി ലോവര്‍ ഡിവിഷന്‍ എസ്‌റ്റേറ്റില്‍ അരുണ്‍കുമാര്‍(19)നേയും, തമിഴ്‌നാട് ബോഡിമെട്ട് നടുത്തെരുവില്‍ സ്വദേശി സുരുളിമാന്‍ കവിപാണ്ഡി (20) എന്നിവരെ 20 ഗ്രാം വീതം കഞ്ചാവുമായും , ബസില്‍ എത്തിയ മധ്യപ്രദേശ് അമര്‍പൂര്‍ സ്വദേശി സുരേഷ്‌കുമാര്‍ ഗൗണ്ഡ് (44) നെ 25 ഗ്രാം കഞ്ചാവുമായും ആണ് പിടികൂടിയത്. എക്‌സൈസ് ഇന്‍സ്‌പെക്ടര്‍ കെ.ബി ബിനു, പ്രവന്റ്ീവ് എക്‌സൈസ് ഓഫീസര്‍മാരായ മധു എം.എസ്, ലിജോ ഉമ്മന്‍, എം.പി പ്രമോദ്, സിവില്‍ എക്‌സൈസ് ഓഫീസര്‍മാരായ രതീഷ്‌കുമാര്‍, ഡി. ബിജുമോന്‍, രജേഷ് സുകുമാരന്‍, കെ.ഷനേജ്, എം.എസ് അരുണ്‍, ജെ. പ്രകാശ്, സജിത് എന്നിവര്‍ നേതൃത്വം നല്‍കി.