മുണ്ടക്കയം: വാഹനാപകടത്തില്‍ മരിച്ച മാധ്യമ പ്രവര്‍ത്തകന്‍ സനില്‍ ഫിലിപ്പിന്റെ വീട് മുന്‍ മുഖ്യമന്ത്രി ഉമ്മന്‍ ചാണ്ടി സന്ദര്‍ശിച്ചു.
വൈകിട്ട് നാല് മണിക്ക് ഭാര്യമറിയാമ്മക്കും ജനപ്രതിനിധികള്‍ക്കം ഒപ്പം സനില്‍ ഫിലിപ്പിന്റെ വീട്ടിലെത്തിയ ഉമ്മന്‍ചാണ്ടി സനലിന്റെ പിതാവ് സണ്ണി മാതാവ് സാലി സഹോദരിമാരായ സൗമ്യ സന്ധ്യ എന്നിവരോട് കാര്യങ്ങള്‍ ചോദിച്ചറിയുകയും ആശ്വസിപ്പിക്കുകയും ചെയ്തു. നിയമസഭ നടക്കുന്നതിനാലാണ് സംസ്‌കാരത്തില്‍ പങ്കെടുക്കുവാന്‍ കഴിയാതിരുന്നതെന്ന് അദ്ദേഹം മാധ്യമ പ്രവര്‍ത്തകരോട് പറഞ്ഞു.
അപകടത്തില്‍ ചികില്‍സയില്‍ കഴിയവേ സനലിനെ താന്‍ ആശുപത്രിയില്‍ സന്ദര്‍ശിച്ചിരുന്നു ഡോക്ടര്‍മാരോട് സംസാരിച്ചപ്പോള്‍ സനല്‍ ജീവിതത്തിലേക്ക് തിരിച്ചു വരുമെന്നുമാണ് പ്രതീക്ഷിച്ചിരുന്നതെന്നും അദ്ദേഹം പറഞ്ഞു. ഗ്രാമപഞ്ചായത്ത് പ്രസിഡന്റ് കെ എസ് രാജു,കെ.പി.സി.സി. സെക്രട്ടറി പി എ സലീം, ബ്ലോക്ക് കോണ്‍ഗ്രസ് പ്രസിഡന്റ് റോയി കപ്പലുമാക്കന്‍, ഡി.സി.സി.ജനറല്‍ സെക്രട്ടറി ജോമോന്‍ ഐക്കര, ജനപ്രതിനിധികളായ വി.ടി.അയ്യൂബ് ഖാന്‍,ബി.ജയചന്ദ്രന്‍,ബെന്നി ചേറ്റുകുഴി,സെബാസ്റ്റ്യന്‍ ചുള്ളിത്തറ, ഷീബാ ഡിഫായിന്‍,സൂസമ്മ മാത്യു,നൗഷാദ് ഇല്ലിക്കല്‍ തുടങ്ങിയവര്‍ ഉമ്മന്‍ചാണ്ടിയോടൊപ്പം ഉണ്ടായിരുന്നു.