പാനൂര്‍: റമദാന്‍ കാംപയിന്റെ ഭാഗമായി മൂന്നു ദിവസമായി പാറാട് ജുമാ മസ്ജിദിന് സമീപം കോയക്കുട്ടി ഉസ്താത് നഗറില്‍ പാനൂര്‍ മേഖല എസ്.കെ.എസ്.എസ്.എഫ് സംഘടിപ്പിച്ച നാലാമത് റമദാന്‍ പ്രഭാഷണം സമാപിച്ചു. ഇന്നലെ നടന്ന ഖലീല്‍ ഹുദവി അല്‍ മാലിക്കിയുടെ പ്രഭാഷണം ടി.എസ് ഇബ്രാഹിം മുസ്‌ല്യാര്‍ ഉദ്ഘാടനം ചെയ്തു. പാലത്തായി മൊയ്തു ഹാജി അധ്യക്ഷനായി. എ.പി ഇസ്മായില്‍, അനസ് ഹൈതമി, ആര്‍.വി അബൂബക്കര്‍ യമാനി, സാലിഹ് പെരിങ്ങത്തൂര്‍, കെ.ടി മുഹമ്മദ് ഫൈസി സംസാരിച്ചു. നാസര്‍ കാണാമ്പന്‍ സ്വാഗതവും മുഹമ്മദ് കുളത്തിങ്കര നന്ദിയും പറഞ്ഞു. തുടര്‍ന്നു നടന്ന ഇഫ്താര്‍ മീറ്റില്‍ സാലിഹ് പെരിങ്ങത്തൂര്‍ അധ്യക്ഷനായി. നുഫൈദ് മേക്കുന്ന്, പി.പി നാസര്‍, വി.വി അബ്ദുല്ല, ടി.ടി അസൈനാര്‍, കെ.പി നിസാര്‍, എന്‍.നസീര്‍, കെ.കെ ഷാജഹാന്‍, വി.വി നൗഫല്‍, എന്‍.എന്‍ അസീസ് സംസാരിച്ചു.