കാസര്‍കോട്: മത സൗഹാര്‍ദ്ദവും ദേശീയതയും ഉര്‍ദുവിലൂടെ എന്ന പ്രമേയം ഉയര്‍ത്തിപ്പിടിച്ച് തെഹ് രീകെ ഉറുദു കേരള സംഘടിപ്പിക്കുന്ന കേരള ഉറുദു യാത്ര ഇന്നു തുടങ്ങും. ഉപ്പള മുതല്‍ തിരുവനന്തപുരം വരെ നടത്തുന്ന യാത്ര ഇന്നു രാവിലെ 10നു ഉപ്പളയില്‍ മന്ത്രി ഇ ചന്ദ്രശേഖരന്‍ ഉദ്ഘാടനം ചെയ്യും.
അബ്ദു സമദ് സമദാനി ഫ്‌ളാഗ് ഓഫ് ചെയ്യും. പി.ബി അബ്ദു റസാഖ് എം.എല്‍.എ പ്രസംഗിക്കും. അസീം മണിമുണ്ട നയിക്കുന്ന യാത്ര രാവിലെ 11ന് കാസര്‍കോടെത്തും.
വൈകുന്നേരം അഞ്ചിനു കണ്ണൂരില്‍ കണ്ണൂര്‍ ജില്ലയിലെ ആദ്യ സ്വീകരണം നടക്കും.