തിരുവനന്തപുരം: കേരള ഗസറ്റഡ് ഓഫിസേഴ്‌സ് അസോസിയേഷന്‍ മുന്‍ സംസ്ഥാന ഭാരവാഹി ഡോ. എന്‍.എം മുഹമ്മദ് അലിയുടെ സ്മരണാര്‍ഥം കെ.ജി.ഒ.എ ഏര്‍പ്പെടുത്തിയ പുരസ്‌കാരം കൊല്ലപ്പെട്ട മാധ്യമ പ്രവര്‍ത്തക ഗൗരി ലങ്കേഷിന് മരണാനന്തര ബഹുമതിയായി സമര്‍പ്പിക്കും.
5,000 രൂപയും ശില്‍പവും പ്രശസ്തി പത്രവും അടങ്ങുന്നതാണ് പുരസ്‌കാരം.
ആദ്യമായാണ് കേരളത്തിന് പുറത്തുള്ളയാള്‍ക്ക് അവാര്‍ഡ് നല്‍കുന്നതെന്നും മതനിരപേക്ഷ സാംസ്‌കാരിക രംഗത്തെ സമഗ്രസേവനം മുന്‍നിര്‍ത്തിയാണ് ഗൗരിലങ്കേഷിനെ തെരഞ്ഞെടുത്തതെന്നും ചെയര്‍മാന്‍ സി.പി നാരായണന്‍ എം.പി വാര്‍ത്താ സമ്മേളനത്തില്‍ അറിയിച്ചു.