മലപ്പുറം: പാണക്കാട് സയ്യിദ് അബ്ദുല്‍ റശീദ് ശിഹാബ് തങ്ങളുടെ മയ്യിത്ത് വന്‍ ജനാവലിയുടെ സാന്നിധ്യത്തില്‍ ഖബറടക്കി. പാണക്കാട് ജുമാ മസ്ജിദില്‍ ഇന്നലെ ഉച്ചക്ക് രണ്ടരയോടെയാണ് നൂറുക്കണക്കിനാളുടെ സാന്നിധ്യത്തില്‍ ഖബറടക്കം നടന്നത്. ചൊവ്വാഴ്ച അര്‍ധരാത്രി മുതല്‍ മരണവിവരം അറിഞ്ഞ് നിരവധിയാളുകളാണ് അദ്ദേഹത്തിന്റെ വസതിയിലെത്തി പ്രാര്‍ഥനകള്‍ നടത്തിയത്. പാണക്കാട് സയ്യിദ് ഹൈദരലി ശിഹാബ് തങ്ങള്‍, സാദിഖലി ശിഹാബ് തങ്ങള്‍, മുനവ്വറലി ശിഹാബ് തങ്ങള്‍, റശീദലി ശിഹാബ് തങ്ങള്‍, അബ്ബാസലി ശിഹാബ് തങ്ങള്‍ തുടങ്ങിയവര്‍ വസതിയിലെത്തിയിരുന്നു.
പരേതനായ സയ്യിദ് ഹുസൈന്‍ ശിഹാബ് ആറ്റക്കോയ തങ്ങളുടെ മകനും കെ.എം.ജെ മലപ്പുറം സോണ്‍ വൈസ് പ്രസിഡന്റുമാണ് അബ്ദുല്‍ റശീദ് ശിഹാബ് തങ്ങള്‍. ഭാര്യ: സയ്യിദത്ത് ആയിഷാ ബീവി. മക്കള്‍: സയ്യിദ് മിന്‍ഹാജ്, സയ്യിദ് ജവാദ്, സുഹൈമാ ബീവി, സുഹൈറാ ബീവി, ലബീബ ബീവി. മരുമക്കള്‍: സയ്യിദ് സഹീര്‍ ബുഖാരി, സയ്യിദ് നൗഫല്‍ കാടാമ്പുഴ, സയ്യിദ് ശബീര്‍ തൃക്കരിപ്പൂര്‍. സഹോദരങ്ങള്‍: സയ്യിദ് അബ്ദുന്നസീര്‍ ശിഹാബ്, പരേതനായ സയ്യിദ് അന്‍വര്‍ ശിഹാബ്, ഹഫ്‌സത്ത് ബീവി, ബുശ്‌റ ബീവി.