പാലക്കാട്: വോട്ടെണ്ണി തീരുംമുന്‍പ് പുതിയ എം.എല്‍.എയാവുന്ന രാഹുല്‍ മാങ്കൂട്ടത്തിലിന് അഭിനന്ദനവുമായി വി.ടി ബല്‍റാം. ''പാലക്കാട് രാഹുല്‍ തന്നെ. ഷാഫി പറമ്പിലിന്റെ പിന്‍ഗാമിയായി പാലക്കാട്ടെ പുതിയ എം.എല്‍.എ.യാവുന്ന രാഹുല്‍ മാങ്കൂട്ടത്തിലിന് ഹാര്‍ദ്ദമായ അഭിനന്ദനങ്ങള്‍. അഭിമാനകരമായ ഈ വിജയമൊരുക്കിയ എല്ലാ യു.ഡി.എഫ് പ്രവര്‍ത്തകര്‍ക്കും പാലക്കാട്ടെ വോട്ടര്‍മാര്‍ക്കും നന്ദി'- ബല്‍റാം ഫേസ്ബുക്കില്‍ കുറിച്ചു. 

<iframe src="https://www.facebook.com/plugins/post.php?href=https%3A%2F%2Fwww.facebook.com%2Fvtbalram%2Fposts%2Fpfbid02n5jd4bMC9CU2gVxuSMVkgrQSqv3Juy1ACkLQAwpgoDWiLaAJB9APU9kmaGMWzWv7l&show_text=true&width=500" width="500" height="687" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

പാലക്കാട് യു.ഡി.എഫ് സ്ഥാനാര്‍ത്ഥി രാഹുല്‍ മാങ്കൂട്ടത്തിലാണ് ഇപ്പോള്‍ ലീഡ് ചെയ്യുന്നത്. പോസ്റ്റല്‍ വോട്ടുകള്‍ എണ്ണിത്തീര്‍ന്നപ്പോള്‍  ബി.ജെ.പി സ്ഥാനാര്‍ഥി കൃഷ്ണകുമാര്‍ മുന്നിട്ടു നിന്നെങ്കിലും ബി.ജെ.പി കോട്ടയായ നഗരസഭയിലെ വോട്ടെണ്ണിയപ്പോള്‍ രാഹുലിന്റെ മുന്നേറ്റമാണ് കാണാന്‍ കഴിഞ്ഞത്. നിലവില്‍ ആയിരത്തിലധികം വോട്ടുകള്‍ക്ക് രാഹുല്‍ ലീഡ് ചെയ്യുകയാണ്.  

കല്‍പാത്തി അടക്കമുള്ള ബി.ജെ.പിയുടെ ശക്തി കേന്ദ്രങ്ങളില്‍ കൃഷ്ണകുമാറിന് പ്രതീക്ഷിച്ച വോട്ടുകള്‍ നേടാന്‍ കഴിഞ്ഞിട്ടില്ല.