തലക്കുളത്തൂര്‍: പാവയില്‍ ഫെസ്റ്റിന് ചിത്രോത്സവത്തോടെ തുടക്കമായി. ജല, പുഴ, പ്രകൃതിസംരക്ഷണത്തിന്റെ പ്രാധാന്യം വിളിച്ചോതി തലക്കുളത്തൂര്‍ പാവയില്‍ പുഴയോരത്ത് നടക്കുന്ന ഫെസ്റ്റിനാണ് ഇന്നലെ തുടക്കമായത്. അറുപതോളം ചിത്രകാരന്‍മാര്‍ പുഴയോരത്തിരുന്ന ്ചിത്രം വരക്കുന്ന പരിപാടിയോടെയാണ് ഫെസ്റ്റിന് തുടക്കം കുറിച്ചത്.
ചിത്രോത്സവം പോള്‍ കല്ലാനോട് ഉദ്ഘാടനം ചെയ്തു. ജീവന്‍ തോമസ്, പ്രഭാകരന്‍ സംസാരിച്ചു. പാവയില്‍ ചീര്‍പ്പിന് സമീപം നടന്ന ചടങ്ങില്‍ കെ. സഹദേവന്‍ അധ്യക്ഷനായി. സി.എം ശശിധരന്‍ പതാക ഉയര്‍ത്തി. പി. പ്രദീപ് കുമാര്‍ ജലസംരക്ഷണ പ്രതിജ്ഞ ചൊല്ലിക്കൊടുത്തു. മെഡിക്കല്‍ ക്യാംപ് ഡോ.കെ.പി ശ്രീലേഷ് ഉദ്ഘാടനം ചെയ്തു. കെ.ജി പ്രജിത അധ്യക്ഷയായി.