സൂറിച്ച്: ലോകകപ്പിന് മുന്നോടിയായി ഫിഫ ഏറ്റവും പുതിയ റാങ്കിങ് പട്ടിക പുറത്തിറക്കി. നിലവിലെ ചാംപ്യന്‍മാരായ ജര്‍മനി ഒന്നാം സ്ഥാനം നിലനിര്‍ത്തി. കഴിഞ്ഞ ദിവസം ഓസ്ട്രിയയോട് 2-1ന് ജര്‍മനി പരാജയപ്പെട്ടിരുന്നെങ്കിലും അത് റാങ്കിങിനെ ബാധിച്ചില്ല. മുന്‍ ചാംപ്യന്‍മാരായ ബ്രസീല്‍ രണ്ടാമതും ബെല്‍ജിയം മൂന്നാം സ്ഥാനത്തും പോര്‍ച്ചുഗല്‍ നാലാം സ്ഥാനത്തും അര്‍ജന്റീന അഞ്ചാമതും നില്‍ക്കുന്നു. സ്വിറ്റ്‌സര്‍ലന്‍ഡ്, ഫ്രാന്‍സ്, പോളണ്ട്, ചിലി, സ്‌പെയിന്‍ ടീമുകളാണ് ആറ് മുതല്‍ പത്ത് വരെ.
ലോകകപ്പ് കളിക്കുന്ന ടീമുകളില്‍ ആതിഥേയരായ റഷ്യയാണ് ഏറ്റവും കുറഞ്ഞ റാങ്കുള്ള ടീം. 70ാം സ്ഥാനത്താണ് അവരുള്ളത്. ഇന്റര്‍കോണ്ടിനന്റല്‍ കപ്പില്‍ മികച്ച പ്രകടനം നടത്തുന്ന ഇന്ത്യ 97ാം സ്ഥാനം നിലനിര്‍ത്തി.