സ്റ്റോക്ക്‌ഹോം: വടക്കന്‍ സ്വീഡനില്‍ വിദ്യാര്‍ഥികള്‍ സഞ്ചരിച്ച ബസ് അപകടത്തില്‍പ്പെട്ട് മൂന്നു പേര്‍ മരിച്ചു. അപകടത്തില്‍ 28 പേര്‍ക്ക് പരുക്കേറ്റു. പരുക്കേറ്റവരെ ആശപുത്രികളില്‍ പ്രവേശിപ്പിച്ചു. പരുക്കേറ്റവരില്‍ ഏഴു പേരുടെ നിലഗുരുതരമാണെന്ന് അധികൃതര്‍ അറിയിച്ചു.

സ്റ്റോക്‌ഹോമില്‍ നിന്നും 430 കി.മീറ്റര്‍ അകലെയുള്ള സ്വേഗ് എന്ന ചെറുനഗരത്തിലാണ് അപകടമുണ്ടായത്. പ്രാദേശികസമയം രാവിലെ ഏഴിനാണ് അപകടം. ഡ്രൈവറടക്കം 52 പേര്‍ വാഹനത്തിലുണ്ടായിരുന്നു. നിയന്ത്രണംവിട്ടതാണ് അപകടത്തിന് കാരണമെന്ന് പൊലിസ് അറിയിച്ചു.