ആലുവ: റോഡപകടങ്ങള്‍ കുറയ്ക്കുന്നതിന്റെ ഭാഗമായി ജനങ്ങള്‍ക്ക് സുരക്ഷയോരുക്കാന്‍ അപകട വളവുകളില്‍ കോണ്‍വെക്‌സ് മിറര്‍ സ്ഥാപിച്ചു എസ്.കെ.എസ്.എസ്.എഫ് മാതൃകയായി.
എസ്.കെ.എസ്.എസ്.എഫ് പേങ്ങാട്ടുശ്ശേരി ശാഖ കമ്മിയുടെ ആഭിമുഖ്യത്തില്‍ അപകടസാധ്യതയുള്ള ആറ് സ്ഥലങ്ങളിലാണ് ആദ്യ ഘട്ടത്തില്‍ മിറര്‍ സ്ഥാപിച്ചിട്ടുള്ളത്. പേങ്ങാട്ടുശ്ശേരി ജുമാ മസ്ജിദിന് സമീപം നടന്ന ചടങ്ങില്‍ എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഷെഫീഖ് തങ്ങള്‍ കോണ്‍വെക്‌സ് മിറര്‍ ഉദ്ഘാടനം ചെയ്തു.
പ്രസിഡന്റ് ഷാജഹാന്‍ ഖാസിമി അദ്ധ്യക്ഷത വഹിച്ചു. എസ്.കെ.എസ്.എസ്.എഫ്. ജില്ലാ ജനറല്‍ സെക്രട്ടറി പി.എം. ഫൈസല്‍, സംസ്ഥാന സെക്രട്ടറിയേറ്റ് മെമ്പര്‍ നൗഫല്‍ കുട്ടമശ്ശേരി, എടത്തല ക്ലസ്റ്റര്‍ സെക്രട്ടറി സിദ്ദീഖ് കുഴിവേലിപ്പടി, പേങ്ങാട്ടുശ്ശേരി ശാഖ ജനറല്‍ സെക്രട്ടറി അബ്ദുള്‍ മാലിക്ക്, നിഷാദ്, റഫീഖ് തുടങ്ങിയവര്‍ പങ്കെടുത്തു