ബെംഗളൂരു: മാധ്യമപ്രവര്‍ത്തക ഗൗരി ലങ്കേഷിനും സാഹിത്യകാരന്‍ എംഎം കല്‍ബുര്‍ഗിക്കും വെടിയേറ്റത് ഒരേ തോക്കില്‍നിന്നെന്ന് ഫോറന്‍സിക് റിപ്പോര്‍ട്ട്.

ബംഗളുരു കോടതിക്കു മുന്‍പാകെ കര്‍ണാടക പൊലിസ് പ്രത്യേക അന്വേഷണ സംഘം സമര്‍പ്പിച്ച കുറ്റപത്രത്തിലാണ് ഇക്കാര്യം ഉള്ളത്.

Also Read: ഗൗരി ലങ്കേഷിനെ കൊന്നത് ഹിന്ദു വിരുദ്ധയായതിനാല്‍- പ്രതിയുടെ മൊഴി

രണ്ടു പേരുടേയും കൊലപാതകത്തില്‍ സമാനതകളുണ്ടെങ്കിലും ആദ്യമായാണ് ഇതു സ്ഥിരീകരിച്ച് ഇത്തരത്തിലുള്ളൊരു റിപ്പോര്‍ട്ട് പുറത്തുവരുന്നത്.

രണ്ടു പേരേയും വധിച്ചത് ഒരേ സംഘമാണെന്നാണ് പൊലിസ് കണ്ടെത്തല്‍. 7.65 എംഎം നാടന്‍ തോക്കാണ് രണ്ടുപേരെയും വധിക്കാന്‍ ഉപയോഗിച്ചത്.

2017 സെപ്റ്റംബര്‍ 5 നാണ് ഗൗരി ലങ്കേഷ് കൊല്ലപ്പെടുന്നത്. ഇതിനും രണ്ടുവര്‍ഷം മുന്‍പാണ് 2015 ആഗസ്റ്റ് 30നു കല്‍ബുര്‍ഗിയെ വെടിവച്ചു കൊന്നത്.