സേലം: ആറു വയസ്സുകാരിയെ ശ്വാസംമുട്ടിച്ച് കൊലപ്പെടുത്തി കലത്തില്‍ ഒളിപ്പിച്ചു. തമിഴ്‌നാട്ടിലെ സേലത്താണ് സംഭവം. കുട്ടിയെ അയല്‍വാസിയായ കൗമാരക്കാരന്‍ പീഡിപ്പിച്ച ശേഷം കൊലപ്പെടുത്തുകയായിരുന്നുവെന്നാണ് ആരോപണം.

17 കാരനായ അയല്‍വാസി കുട്ടിയെ മധുരം നല്‍കി വീട്ടില്‍ കൊണ്ടുപോയി പീഡിപ്പിച്ചുവെന്നാണ് പൊലിസ് പറയുന്നത്. പിന്നീട് കുട്ടിയെ കൊന്ന്‌ശേഷം കലത്തിലിട്ട് പൂജാ മുറിയില്‍ ഒളിപ്പിക്കുകയായിരുന്നു.

ശനിയാഴ്ച മുതല്‍ കുട്ടിയെ കാണാനില്ലെന്ന് പറഞ്ഞ് അച്ഛന്‍ പൊലിസില്‍ പരാതി നല്‍കിയിരുന്നു. ഇതിനിടെ കുട്ടിയെ കൗമാരക്കാരന്റെ കൂടെ നടക്കുന്നതു കണ്ടതായി സമീപവാസികള്‍ അറിയിച്ചു. ഇതോടെ പൊലിസെത്തി പരിശോധിക്കുകയായിരുന്നു.