ഡബ്ലിന്‍: ഏകദിന ക്രിക്കറ്റിലെ ഏറ്റവും ഉയര്‍ന്ന സ്‌കോര്‍ ഇനി ന്യൂസിലന്‍ഡ് വനിതകള്‍ക്ക്. അയര്‍ലന്‍ഡിനെതിരായ പോരാട്ടത്തില്‍ 490 റണ്‍സ് അടിച്ചെടുത്താണ് കിവി വനിതകള്‍ റെക്കോര്‍ഡ് കുറിച്ചത്.
1997ല്‍ പാകിസ്താനെതിരേ ന്യൂസിലന്‍ഡ് വനിതകള്‍ തന്നെ നേടിയ 455 റണ്‍സിന്റെ റെക്കോര്‍ഡാണ് തിരുത്തിയത്. പുരുഷന്‍മാരുടെ പോരില്‍ ഇംഗ്ലണ്ട് 2016ല്‍ പാകിസ്താനെതിരേ നേടിയ 444 റണ്‍സാണ് ഉയര്‍ന്ന സ്‌കോര്‍. ക്യാപ്റ്റന്‍ സുസി ബെറ്റ് (94 പന്തില്‍ 151), മാഡ്ഡി ഗ്രീന്‍ (77 പന്തില്‍ 121) എന്നിവരുടെ സെഞ്ച്വറി മികവിലാണ് അവര്‍ റെക്കോര്‍ഡ് സ്‌കോറിലെത്തിയത്.