മലപ്പുറം: മുതിര്‍ന്ന കോണ്‍ഗ്രസ് നേതാവും മലപ്പുറം മുന്‍ ഡി.സി.സി പ്രസിഡണ്ടുമായിരുന്ന യു.കെ.ഭാസി (75) അന്തരിച്ചു. 22 വര്‍ഷം മലപ്പുറം ജില്ലാ കോണ്‍ഗ്രസ് കമ്മിറ്റി അധ്യക്ഷനായിരുന്നു.
ന്യുമോണിയ ബാധിച്ച് കോഴിക്കോട് സ്വകാര്യ ആശുപത്രിയില്‍ ചികിത്സയിലിരിക്കേയാണ് അന്ത്യം. താനൂര്‍ സ്വദേശിയാണ് യു.കെ.ഭാസി. 15 വര്‍ഷത്തോളം കെ.പി.സി.സി ജനറല്‍ സെക്രട്ടറിയുമായിരുന്നു.

കെ.എസ്.യുവിലൂടെയാണ് അദ്ദേഹം രാഷ്ട്രീയരംഗത്തേക്ക് കടന്നുവരുന്നത്. തുടര്‍ന്ന് യൂത്ത് കോണ്‍ഗ്രസ് സംസ്ഥാനവൈസ് പ്രസിഡന്റായി.
താനൂര്‍ നിയമസഭാ തെരഞ്ഞെടുപ്പില്‍ മത്സരിച്ചിരുന്നെങ്കിലും പരാജയപ്പെട്ടു.