നവ്‌സാരി:ഗുജറാത്തില്‍ ലോക്ക ഡൗണ്‍ ലംഘിച്ച് വിവാഹം നടത്തിയതിന് വധൂവരന്മാരടക്കം 14 പേര്‍ അറസ്റ്റില്‍.കൊവിഡ് വ്യാപന സാഹചര്യത്തില്‍ സര്‍ക്കാര്‍ നിര്‍ദേശം പാലിക്കാതെ വിവാഹ ചടങ്ങിനായി ക്ഷേത്രത്തില്‍ ഒത്തുകൂടിയതിനാണ് ഇവരെ അറസ്റ്റ് ചെയ്തത്.

കുറച്ചു പേര്‍ ക്ഷേത്രത്തില്‍ ഒത്തു കൂടിയിട്ടുണ്ടെന്ന് വിവരം ലഭിച്ചതിനെ തുടര്‍ന്നാണ് പൊലിസ് എത്തിയതെന്നും അവിടെ വെച്ച് അറസ്റ്റു ചെയ്യുകയുമായിരുന്നെന്ന് നവ്സാരി പൊലീസ് സൂപ്രണ്ട് ഗിരീഷ് പാണ്ട്യ പറഞ്ഞു.ലോക്ക് ഡൗണ്‍ ലംഘനം നടത്തിയവര്‍ക്കെതിരെ നിയമനടപടി സ്വീകരിക്കുമെന്നും സൂപ്രണ്ട് അറിയിച്ചു.

അതേസമയം കഴിഞ്ഞ ദിവസം കര്‍ണാടകയില്‍ ലോക്ക് ഡൗണ്‍ ലംഘിച്ച് മുന്‍ മുഖ്യമന്ത്രി എച്ച്. ഡി കുമാര സ്വാമിയുടെ മകന്റെ വിവാഹം നടത്തിയിരുന്നു.