മണ്ണാര്‍ക്കാട്: മൂല്യമുള്ള വിദ്യാഭ്യാസം സമര്‍പിക്കുകയും സമന്വയ വിദ്യാഭ്യാസത്തിന്റെ പ്രസക്തി സമൂഹത്തിന് ബോധ്യപ്പെടുത്തുകയും ചെയ്ത പ്രസ്ഥാനമാണ് സമസ്ത കേരള ജംഇയ്യത്തുല്‍ ഉലമ എന്ന് സമസ്ത സംസ്ഥാന'ട്രഷറര്‍ സി.കെ.എം സാദിഖ് മുസ്‌ലിയാര്‍ പറഞ്ഞു. എസ്.കെ.എസ്.എസ്.എഫ് ട്രെന്റ് പാലക്കാട് ജില്ല കമ്മിറ്റി മണ്ണാര്‍ക്കാട് ഇസ്‌ലാമിക് സെന്ററില്‍ സംഘടിപ്പിച്ച ഹുദവി എന്‍ട്രന്‍സ് പരിശീലന ശില്‍പശാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
എസ്.കെ.എസ്.എസ്.എഫ്. പാലക്കാട് ജില്ലാ പ്രസിഡ്‌റപഖറ് അന്‍വര്‍ സ്വാദിഖ് ഫൈസി കാഞ്ഞിരപ്പുഴ അധ്യക്ഷനായി. എന്‍. ഹബീബ് ഫൈസി കോട്ടോപ്പാടം, അബൂഉബൈദ് ഹുദവി, ഉബൈദ് ആക്കാടന്‍ ക്ലാസ്സിന് നേതൃത്വം നല്‍കി. റഹീം ഫൈസി കുമരംപുത്തൂര്‍, സുലൈമാന്‍ ഫൈസി മുണ്ടേക്കരാട്, നാസര്‍ മാസ്റ്റര്‍ അരിയൂര്‍ സംബന്ധിച്ചു.