കോഴിക്കോട്: നിപാ വൈറസ് നിയന്ത്രണവിധേയമായതായി ആരോഗ്യമന്ത്രി കെകെ ശൈലജ. പുതിയ കേസുകളൊന്നു റിപ്പോര്‍ട്ട് ചെയ്തിട്ടില്ല. അതുകൊണ്ടുതന്നെ വൈറസ് വ്യാപനം അവസാനിച്ചതായി വിലയിരുത്തുകയാണെന്നും മന്ത്രി പറഞ്ഞു.

ഈ മാസം മുഴുവന്‍ ജാഗ്രത തുടരും. മെയ് 31 നു ശേഷം പുതിയ കേസുകള്‍ റിപ്പോര്‍ട്ടു ചെയ്തിട്ടില്ല. നിരീക്ഷണ പട്ടികയില്‍ ഇപ്പോള്‍ 1430 പേര്‍ മാത്രമേയുള്ളു. ഇവരെ നിരീക്ഷിക്കുന്നത് ഈ മാസം മുഴുവന്‍ തുടരും.

വൈറസ് ബാധിച്ച നഴ്‌സിംഗ് വിദ്യാര്‍ഥിനി നാളെയും മലപ്പുറം സ്വദേശിയായ യുവാവ് 14നും ആശുപത്രി വിടുമെന്നും മന്ത്രി പറഞ്ഞു.

കോഴിക്കോട്, മലപ്പുറം ജില്ലകളിലെ സ്‌കൂളുകള്‍ ജൂണ്‍ 12ന് തുറക്കും. പൊതുപരിപാടികള്‍ക്കുള്ള നിയന്ത്രണം നീക്കിയിട്ടുണ്ടെന്നും മന്ത്രി കെകെ ശൈലജ അറിയിച്ചു.