വാഷിങ്ടണ്‍: കൊവിഡ് ബാധിച്ച് മരിച്ചവരുടെയും കൂടുതല്‍ പേര്‍ക്കു കൊവിഡ് ബാധിച്ചവരുടെയും കണക്കില്‍ അമേരിക്ക മുന്നില്‍ നില്‍ക്കുമ്പോള്‍, സ്‌പെയിനിലും മരണസംഖ്യ 20,000 പിന്നിട്ടു. ഇതോടെ മരണസംഖ്യ ഇരുപതിനായിരം പിന്നിട്ട രാജ്യങ്ങളുടെ എണ്ണം മൂന്നായി. 37,289 പേര്‍ മരിച്ച അമേരിക്കയാണ് പട്ടികയില്‍ മുന്നില്‍. ഇവിടെ 7,12,719 പേര്‍ക്കു രോഗം സ്ഥിരീകരിക്കുകയും അറുപത്തി അയ്യായിരത്തോളം പേര്‍ രോഗമുക്തരാകുകയും ചെയ്തിട്ടുണ്ട്. 22,745 പേര്‍ മരിച്ച ഇറ്റലിയാണ് മരണസംഖ്യയില്‍ രണ്ടാം സ്ഥാനത്തുള്ളത്. 1,72,434 പേര്‍ക്കാണ് ഇറ്റലിയില്‍ കൊവിഡ് ബാധിച്ചിരിക്കുന്നത്. സ്‌പെയിനില്‍ മരണസംഖ്യ 20,043 ആയി ഉയര്‍ന്നു.ഫ്രാന്‍സിലും മരണസംഖ്യ ഇരുപതിനായിരത്തിലേക്കു കുതിക്കുകയാണ്.