തൊടുപുഴ: 13 വര്‍ഷമായി തൊടുപുഴ മുനിസിപ്പല്‍ മുസ്ലിം ലീഗ് കമ്മിറ്റിയുടെ ആഭിമുഖ്യത്തില്‍ നടന്ന് വരുന്ന ഉലമാ ഉമറാ സംഗമവും പുതുവസ്ത്ര വിതരണവും നാളെ പകല്‍ 2 ന് തൊടുപുഴ ഉത്രം ഓഡിറ്റോറിയത്തില്‍ നടക്കും. കേരളാ വഖഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍ സംഗമം ഉദ്ഘാടനം ചെയ്യും. മുനിസിപ്പല്‍ മുസ്ലിം ലീഗ് പ്രസിഡന്റ് എം.എ കരിമിന്റെ അദ്ധ്യക്ഷതയില്‍ നടക്കുന്ന ചടങ്ങില്‍ ജനറല്‍ സെക്രട്ടറി അഡ്വ. സികെ ജാഫര്‍ സ്വാഗതമാശംസിക്കും. മുസ്ലിം ലീഗ് സംസ്ഥാന -ജില്ലാ -മണ്ഡലം നേതാക്കളും മതസാമൂഹ്യ സാംസ്‌കാരിക രാഷ്ട്രീയ രംഗത്തെ പ്രമുഖരും പങ്കെടുക്കും.