ന്യൂഡല്‍ഹി: മെയ് നാലിനുള്ള ടിക്കറ്റ് ബുക്കിങുകള്‍ നിര്‍ത്തണമെന്ന് സിവില്‍ വ്യോമയാന ഡയറക്ടര്‍ ജനറല്‍(ഡി.ജി.സി.എ). വിമാനക്കമ്പനികളോട് നിര്‍ദേശിച്ചു.ആഭ്യന്തര, അന്തര്‍ദ്ദേശീയ വിമാന സര്‍വിസുകള്‍ എപ്പോള്‍ ആരംഭിക്കണം എന്നതിനെക്കുറിച്ച് തീരുമാനമെടുത്തിട്ടില്ലെന്നും ഡി.ജി.സി.എ അറിയിച്ചു.

ട്രെയിന്‍, വിമാന സര്‍വിസുകള്‍ പുനരാരംഭിക്കുന്നത് സംബന്ധിച്ച് കേന്ദ്ര സര്‍ക്കാര്‍ തീരുമാനമെടുത്തിട്ടില്ലെന്ന് കേന്ദ്രമന്ത്രി പ്രകാശ് ജാവദേക്കറും പറഞ്ഞിരുന്നു. സ്ഥിതിഗതികള്‍ പരിശോധിച്ച് നടപടികള്‍ സ്വീകരിക്കും എന്നാണ് അദ്ദേഹം പറഞ്ഞത്.