കൊടുങ്ങല്ലൂര്‍: മേത്തലയില്‍ തെങ്ങ് ഒടിഞ്ഞ് വീണു പ്ലസ് ടു വിദ്യാര്‍ഥിക്കും മാതാവിനും പരുക്കേറ്റു. മേത്തല ചിത്തിര വളവ് അറക്കല്‍ ബഷീറിന്റെ ഭാര്യ സുനിത (38), മകന്‍ റംഷാദ് (17) എന്നിവര്‍ക്കാണു പരുക്കേറ്റത്.
രാവിലെ ഏഴരയോടെയായിരുന്നു സംഭവം. ശക്തമായ കാറ്റില്‍ തെങ്ങ് കുളി മുറിക്കു മേല്‍ വീഴുകയായിരുന്നു.
കുളിമുറിയില്‍ കുളിച്ചു കൊണ്ടിരിക്കുകയായിരുന്ന റംഷാദിന്റെ തോളെല്ലിനും വീട്ടുമുറ്റത്ത് നില്‍ക്കുകയായിരുന്ന സുനിതയുടെ തലയ്ക്കും പരുക്കേറ്റു.